Tuesday, June 02, 2009

കാലന്റെ വിളി

അയാൾ സമയം നോക്കി....മണി 11:00 pm.

രാവിലേ തന്നെ EOD സായിപ്പിനു കിട്ടിയില്ലേൽ അലമ്പാണ്‌...

പോരാത്തതിനു recession ടയിമും...

EOD ധ്രുതിയിൽ തയ്യാറാക്കി മെയിൽ ചെയ്ത്‌ വീട്ടിലെത്തുമ്പോളെയ്ക്കും സമയം 11:30 കഴിഞ്ഞു.

********************* *********
കതകു തുറന്ന ഭാര്യയുടെ മുഖത്തു നിന്നു അനിഷ്ടം വായിച്ചറിയാം.

കാണാത്ത ഭാവത്തിൽ അകത്ത്‌ കയറി...

മുറിയിൽ മകൻ തളർന്നുറങ്ങുന്നതു കണ്ടു...
പാവം അച്ഛനെ കണ്ടിട്ടു 2 ദിവസമായിക്കാണും.

"നമുക്ക്‌ കുറച്ചു ദിവസത്തേയ്ക്കു നാട്ടിലേയ്ക്കു പോവാം...നിന്റെ അച്ഛനും വയ്യാതെ ഇരിക്കുകയല്ലേ....എനിക്കും മടുത്തു.......രണ്ടിടത്തും പോവാം..അവനും ഒരു റിലീഫ്‌ ആവും..."

കഴിക്കുമ്പൊ ഭാര്യയുടെ മുഖത്തു നോക്കാതെയാണു പറഞ്ഞത്‌....

പ്രതീക്ഷിച്ചതു പോലെ തന്നെ ഒരു പുച്ഛച്ചിരിയാണു കിട്ടിയത്‌...
അവൾക്കറിയാം ഞാനിത്‌ പറയാൻ തുടങ്ങിയിട്ടു നാളൊരുപാടായെന്ന്‌.

************************* ***

രാവിലെ ഓഫിസിലേയ്ക്കുള്ള യാത്രക്കിടയിൽ അയാൾ ചിന്തിയ്ക്കുകയായിരുന്നു....

പഠനം കഴിഞ്ഞ സമയത്ത്‌ കൂട്ടുകാരൊന്നിച്ചു ജോലി തെണ്ടി നടന്ന സമയങ്ങൾ....

ശമ്പളമില്ലാതെ വെറും എക്സ്പീരിയൻസ്സിനു വേണ്ടി ചെറിയ കമ്പനികളിൽ ജോലി നോക്കിയത്‌...

കാശു തികയാതെ ഒരു പഴം രണ്ടായി പകുത്തു കഴിച്ചത്‌....
ആദ്യമായി 1500 രൂപ ശമ്പളം കിട്ടിയപ്പൊ കൂട്ടുകാർക്കു പാർട്ടി കൊടുത്തത്‌...
രാത്രിയിൽ തട്ടു കടയിൽ കൂട്ടുകാരുമൊന്നിച്ചു കപ്പയും മീൻ കറിയും കഴിച്ചത്‌....

ഒടുവിൽ ഒരൊരുത്തരായി പിരിഞ്ഞത്‌...
അവരൊക്കെ ഇപ്പൊ എവിടെയാണ്‌....
വിവാഹം കഴിഞ്ഞു പലരും ഭാര്യയും കുട്ടികളുമൊത്ത്‌ വിദേശ രാജ്യങ്ങളിൽ...

വല്ലപ്പോഴും മറുപടിയ്ക്കു കാക്കാത്ത മെയിൽ ഫോർവേർഡുകളിൽ ആ ബന്ധം അവസാനിച്ചിരിയ്ക്കുന്നു!...

ജോലിത്തിരക്കു കാരണം പലതും തുറക്കാറും കൂടിയില്ല....

ആ സമയങ്ങൾ എന്നന്നേയ്ക്കുമായി തനിക്കു നഷ്ടപ്പെട്ടിരിക്കുന്നു...
അയാൾക്കുള്ളിൽ വല്ലാത്ത നഷ്ടബോധം തോന്നി...

അന്നയാൾ ഓഫിസ്സിനു മുൻപിലുള്ള സ്റ്റോപ്പിൽ ഇറങ്ങി..."അബ്ബേ തു കിതർ ഉതർ രഹാ ഹെ.?"
അപ്പുറത്തെ ടീമിലെ പഞ്ചാബിയുടെ ചോദ്യത്തിനു വെറുതെ ചിരിക്കുക മാത്രം ചെയ്തു..

ആ കവലയിലെ തട്ടുകടയിൽ നിന്നും ഒരു സിഗരറ്റു കത്തിച്ചു വളരെ സാവധാനമാണു ഓഫിസ്സിലേയ്ക്കു നടന്നത്‌... recession ആയതു കൊണ്ടു എല്ലാവരും വേഗം നടക്കുകയാണ്‌...
അയാൾ വളരെ സാവധാനം നടന്നു കാബിനിലെ ഡെസ്കിൽ ബാഗു വച്ചു...

കമ്പ്യുട്ടറിൽ ലോഗിൻ ചെയ്യാൻ തുടങ്ങുമ്പൊളാണു ഫോൺ വന്നത്‌.."ഈസ്‌ ഇറ്റ്‌ Mr.Mohan?..Can u please come to HR's Room on 2nd floor?.."

കാലന്റെ വിളി!......
അയാൾക്കു ചിരിയാണു വന്നത്‌...

ക്യാബിനിലെ ഭിത്തിയിൽ ഒട്ടിച്ചു വച്ചിരിക്കുന്ന ചില കടലാസ്സുകളിലേയ്ക്കാണയാൾ ആദ്യം നോക്കിയത്‌..


Best new Comer Award to Mr.MOHAN , Best Employee Award-2009 to MOHAN

അതെല്ലാം പറിച്ചെടുത്തു ചവറ്റു കുട്ടയിലേക്കെറിയുമ്പൊൾ അയാൾ പിറു പിറുത്തു "അവന്റമ്മേടെ..."

************************* ************

കതകു തുറന്നപ്പോൾ പതിവിലും നേരത്തെ എത്തിയതിൽ ഭാര്യയുടെ കണ്ണുകളിൽ അമ്പരപ്പ്‌....


അയാളവളുടെ ചുമലിൽ പിടിച്ചു കൊണ്ടു സന്തോഷത്തോടെ പറഞ്ഞു...

" നമ്മൾ പോവുന്നൂ നാട്ടിൽ
...........നാളെത്തന്നെ"


- സനൽ വി. നായർ

2 comments:

പാച്ചു said...

ഈ ഗ്ലോബൽ Recession timil ഇതൊക്കേ ആർക്കും സംഭവിക്കാവുനതേ ഒള്ളൂ...

കുറെ നാളുകൾ ക്കു ശേഷമാണിത്‌...
അഭിപ്രായങ്ങൾ ക്ഷണിച്ചു കൊള്ളുന്നു....

anju nair said...

vallathe novippichu....ippol recession allenkilum